Mae poen cefn yn broblem fawr i Gymru. Mae yna gost i unigolion, sy’n gallu cynnwys salwch corfforol a meddyliol a diweithdra, ac mae yna gost ariannol ehangach i’r economi yng Nghymru.
Mae Cefnau Cymru wedi'i gynllunio i helpu unigolion sy'n dioddef o boen cefn yn ogystal â rhoi gwybodaeth i weithwyr iechyd proffesiynol a chyflogwyr ar y ffordd orau o helpu pobl i gadw'n brysur er gwaethaf poen cefn.
Yn draddodiadol, gorffwys yn y gwely oedd y ffordd o wella poen cefn, ac er bod llawer yn dal o'r farn hon, mae gweithwyr iechyd proffesiynol yn cytuno bellach bod y dystiolaeth yn dangos mai'r ffordd orau o wella yw cadw'n brysur a byw bywyd mor normal â phosibl.
Bydd Cefnau Cymru yn codi ymwybyddiaeth o'r newid hwn drwy ymgyrch amlgyfrwng gan gynnwys hysbysebion teledu, pecynnau gwybodaeth a gwefan, ac er bod yr wybodaeth hon wedi'i datblygu'n benodol ar gyfer Cymru, mae'n seiliedig ar ymgyrchoedd llwyddiannus yn yr Alban ac Awstralia. Rwy'n siwr y gallwn ail-greu'r llwyddiant hwnnw a helpu i leihau baich poen cefn ar Gymru.
