Mae poen cefn yn broblem fawr i Gymru. Mae yna gost i unigolion, sy’n gallu cynnwys salwch corfforol a meddyliol a diweithdra, ac mae yna gost ariannol ehangach i’r economi yng Nghymru.
Primary Navigation
- Hafan
- Os oes gennych boen yn eich cefn?
- Os ydych yn gyflogwr
- Os ydych yn weithiwr iechyd
- Beth ddywed yr arbenigwyr
- Astudiaethau Achos
- Dolenni
Carwch eich cefn mae tu ôl i bopeth rydych yn ei wneud!
Gabby Logan
Meddwl yn gadarnhaol
Mae hon yn dechneg i'w defnyddio pan fyddwch chi'n sylweddoli eich bod yn meddwl yn negyddol ac yn ddinistriol. Yn aml bydd pobl sydd â chyflyrau tymor hir fel poen cefn difrifol yn meddwl pethau fel:
"Does dim pwynt i mi drio garddio, mae'n rhy boenus i mi blygu i lawr"
neu
"Allaf i ddim gwneud y pethau o'n i'n arfer eu gwneud, bydd fy mywyd i fyth yr un fath eto"
Mae dwy ffordd y gallwch chi feddwl yn fwy cadarnhaol.
Y gyntaf yw trosi'r meddyliau negyddol yn uniongyrchol yn rhywbeth cadarnhaol. Felly ar gyfer y ddwy enghraifft uchod, gallech chi eu newid fel hyn:
"Rwyf i'n dal i fedru gwneud rhai pethau yn yr ardd, fe gaf i flychau ffenest fel bod dim angen i mi blygu, a chymryd fy meddyginiaeth poen cyn dechrau".
"Rwyf i'n dal i fedru gwneud llawer o bethau, dyw fy mywyd i ddim ar ben, mae'n wahanol"
Yr ail ffordd yw drwy ddefnyddio ymadroddion cadarnhaol. Dywediadau yw'r rhain i chi eu defnyddio i herio eich meddyliau negyddol, er enghraifft:
"ymlaen!"
"chwiliwch am y da bob dydd"
"am fy mod i'n ei haeddu"
Dywedodd Gareth o Dorfaen wrthym "Fe ysgrifennais i fy holl ymadroddion cadarnhaol ar nodiadau post-it a'u gosod o gwmpas y ty i fy atgoffa i. Nawr, pan rwy'n dal fy hun yn meddwl yn negyddol, fe allaf i ei newid yn syth i rywbeth llawer mwy cadarnhaol. Fyddwn i erioed wedi meddwl y gallai techneg fel hon fod mor bwerus."
Mae poen cefn yn broblem fawr i Gymru. Mae yna gost i unigolion, sy’n gallu cynnwys salwch corfforol a meddyliol a diweithdra, ac mae yna gost ariannol ehangach i’r economi yng Nghymru.
