Mae anafiadau i'r cefn yn broblem gyffredin iawn y gellir ei hosgoi yn aml yn y gweithle drwy wneud newidiadau syml i swyddi a chael yr hyfforddiant a'r offer iawn.
Primary Navigation
- Hafan
- Os oes gennych boen yn eich cefn?
- Os ydych yn gyflogwr
- Os ydych yn weithiwr iechyd
- Beth ddywed yr arbenigwyr
- Astudiaethau Achos
- Dolenni
Rwyf wedi canfod nad oes fawr o bwynt aros yn y gadair a rhewi pan fydd poen cefn yn taro. Mae'n rhaid i chi weithio eich ffordd drwyddo. Ni fyddai unrhyw ffordd y gallwn feddwl am orwedd i lawr yn ystod cyfnod prysur fel y tymor cneifio defaid ym mis Mehefin. Mae'n waith caled ac yn cynnwys llawer o blygu a chodi, ond rydych yn mynd yn eich blaen ac mae symud yn mynd i'r afael ag unrhyw broblemau posibl.
Hedd Pugh
Os ydych yn gyflogwr
Mae poen cefn yn effeithio'n sylweddol ar y gweithle ac mae'r adran hon yn cynnwys cyngor a chymorth i'ch helpu chi i reoli poen cefn yn y gweithle.
Mae aros yn y gwaith yn ffordd dda i rywun â phoen cefn gadw'n brysur a gwneud pethau arferol. Nid oes rhaid i weithiwr fod yn rhydd o boen cyn mynd yn ôl i'r gwaith.
Gallwch helpu eich gweithiwr i aros yn y gwaith er gwaethaf poen cefn drwy ddeall y gall fod yna dasgau sy'n anoddach iddynt. Ystyriwch sut y gallai eu swydd gael ei haddasu i ysgafnhau'r baich, ond ar yr un pryd eu galluogi i barhau i weithio. Cofiwch, mae'r rhan fwyaf o bobl yn gwella'n llwyr o boen cefn ac yn gallu ailafael yn fuan yn eu holl ddyletswyddau.
I gael cyngor diduedd am ddim am reoli poen cefn yn y gweithle, cysylltwch â Cyswllt Iechyd yn y Gweithle ar 0845 609 6006 neu ymwelwch â www.workboostwales.org.uk
Mae'r HSE hefyd yn rhoi gwybodaeth am reoli poen cefn yn y gweithle ar eu gwefan: www.hse.gov.uk/msd/backpain/
Mae Backcare UK hefyd yn cynnig cyngor am beth i'w wneud os yw poen cefn yn effeithio arnoch chi yn y gwaith www.backcare.org.uk
Mae anafiadau i'r cefn yn broblem gyffredin iawn y gellir ei hosgoi yn aml yn y gweithle drwy wneud newidiadau syml i swyddi a chael yr hyfforddiant a'r offer iawn.
Dwi’n mwynhau mynd i’r gampfa yn rheolaidd yn ogystal â marchogaeth a golff ac yn ceisio cadw mor brysur â phosib.
